Kumusta na, arkitekto?
Nakapagpahinga ka na ba?
ang tulog mo ba'y nakumpleto na?
Nag-almusal ka na ba, nag-tanghalian, naghapunan?
Kumusta na, arkitekto?
Nakumpleto mo na ba ang walong baso ng tubig?
Ikaw ba'y nakapaglakad na, nakatakbo, nakaehersisyo?
Ikaw ba'y nakakahinga pa ng sariwang hangin sa labas ng iyong tahanan?
Arkitekto ko, pahinga ka na muna
Sumandal, huminga, at magmuni-muni
Ang pagod na kamay ay mahinang makaguhit
at ang pagod na katawan ay mahihirapang makalaban
para sa pangarap, alagaan ang sarili
andito lamang ako sa tabi mo arkitekto, kasangga mo ako.
Comments