Larangang Walang Kasarian

Tula Para Kay Eba Ngayon

Pagkakataon, pag-asa, pagkakapantay-pantay

Ang walang sawang ipinaglalaban ng kababaihan sa lipunan

Simula’t sapul sa isip nananalaytay

Hindi naka-angkla ang kasarian sa taglay na kakayahang mag-ambag sa karamihan

Hindi mawawaglit sa isip at paninigin

Pakikipag-sabayan sa mga naghaharing-uri

Pagpupursigi sa ngalan ng pinanghahawakang karapatan

Hindi nagpapadaig ang mga kababaihan

Sa hanay ng mga propesyunal

Na batid ng lahat ay para lamang sa kalalakihan

Salungat sa ipinapakitang kagalingan

Ng mga kababaihan sa mga napiling larangan

Pagkakataon, pag-asa, pagkakapantay-pantay

Ang ngayo’y inihahandog ng lipunan

Para sa galing at husay na siyang ipinamamalas

Ng hindi basta-bastang hanay ng mga kababaihan