BUsina

Sa kahabaan ng kalsada,

Pagkakipot ng mga lansangan

Tila nakikipagkumpetensya

Sa paghihintay at pasensya ng mamamayan

Sa tagal ng paghihintay, na inaabot ng umaga Inuubos at hinihigop ng oras ang pahingang sana'y lasap na Hindi pa doon natatapos, pagkat siksik din at naghihikaos Mga pasaherong nag uunahan, makasakay at makaupo ng maayos

Sa pilang kayhaba Sa gitgitan na walang hupa Sa bus na hinahabol Paswertihan sa mauuna

Eksenang hinding-hindi nauubos, Ano mang araw o panahon Paghihirap na dama sa umaga't buong maghapon Umuubos ng lakas at ganang makabangon

Ano ba ang mainam na solusyon? Anong makapagpapagaan ng karanasan ngayon? Anong mga tanong ang kailangangang iparating? Madama lang ang ginhawang nararapat masapit