Illustration by: Gweneth E. Encela
Rebolusiyon!!
Isang siglo at mahigit tatlong na dekada na ang nakalilipas,
Ang inialay na pag-ibig sa bayan ay hindi pa rin kumukupas
Lumisan, ngunit ang nag-aalab na puso ay hindi pumapanaw,
Gat Andres, ika’y isang dakilang tanglaw
Katipunang ibinuwis ang buhay para sa bayan,
At bayaning namuno upang makamit ang kalayaan
Sigaw ng Pugad Lawin laban sa mga Kastila,
Inialay para sa tinubuang lupa
Bayang malaya,
Masalimuot at nananatiling dukha
Mga nasa laylayang patuloy na pinagtatabuyan,
Kaluluwang uhaw, kailan kaya mapupunan
Lupang sinilangan,
Ikaw ang aming tangan ngayon at sa nagdaan
Mananatiling nasa ilalim ang pula,
At ng asul sa ibabaw ng ating bandila.
Comments